رووژنامەوانێگ لە شارسان هەلەوان/سەرپێڵ زەهاو پارێزگای کرماشان وە دانان گەرەو ٦٠٠ ملیونی لە بازداشت هاتیەسە دەیشت
وە پای خەوەرێگ ک وە سایت یارسان رەسیە، دویەکە شەوەکی شارام سەفەری رووژنامەوان هەلەوانی و مودیر کانال خەوەری_تەحلیلی “راوێژ پرس” وە شکایەت زانستگای زانست پزشکی پارێزگای کرماشان وە تومەت وڵا کردن ئامار تۊش بیەیل ویرۆس کۆرۆنا لە پارێزگای کرماشان، وە دادگای شارسان هەلەوان چریاوی، ک لە شوون کوتایی هاتن جەلەسە بازداشت کریا.
تومەت ترەک دریاگە پاڵ ئی رووژنامەوانە، وڵا کردن دروو و ئاشوو و ترس خستنە ناو دڵ مەردم ئێلام کریاس.
وە پای خەوەرەگە، شارام صفری لە شوون چەن ساعەت بازداشت وە دانان گەرەو ٦٠٠ ملیون ریالی لە بازاداشت هاتیەسە دەیشت.
جێ وەتنە، لە ناو ماوەی وەرین بێجگە لە شارام سەفەری چەن رووژنامەوان و چالاک تر لە رووژهەڵات کوردستان و ئێران وە هەمان تومەتەیل بازداشت کریانە.
