دۊەت وەرزشکار کرماشانی وێشێ تا کوتایی هاتن ویرۆس کۆرۆنا لە رێ حرفەی پەرەستاریی خزمەت وە مەردم کەید

دۊەت وەرزشکار کرماشانی ک یەکمین وەرزشکار ژن وەزنەهەڵگر ئێران لە جەهانە وە جوور پەرەستار دێرێ خزمەت وە مەردم کەید و وێشێ ک تا ئاخرین سانیەگان ها گەرد مەردم خوەی و کومەک وە پێیان کەید.

سەرچاوەیل خەوەری لە کرماشان لە گوفتگوێگ وەگەرد وەزنەهەڵگر وەزن ٥٥ کیلوگەرەم و پەرەستار کرماشانی پووپەک بەسامی باس لە رەوش ئێرەنگەی کرماشان و کۆرۆنا لە ئەوردا کردیە.

پووپەک بەسامی ٢٩ ساڵە، وەرجەئەوەیگە بوودە وەزنە هەڵگر ١٣ ساڵ بەسکتبالیست بیە ئەمانگ حرفەی سەرەکی ئەو پەرەستاریە و هەفت ساڵە جوور پەرەستار چالاکی کەید، لە ئی ساڵەیلیشە لە لای کار پەرەستاری وەرزش خوەی درێژە داس. لە ئی ماوە ک ویرۆس کۆرۆنا لە ئوستانن کرماشان رووژهەڵات کوردستان وەروڵا بیە لە مەجموعەی وەرزشی ئازادی شار کرماشان وە جوور پەرەستار چالاک بیە.

بەسامی لە جواو وە پرسیار ئایا خوەی و خانەوادەی نگەران تۊش بیێن وە ویرۆس کۆرۆنا هەن وەتیە: ئەیەر بۊشم ناترسیەم کەمێگ دۊرە لە راسیە گشتمان وە تایوەت داڵگم نگەرانیمن ئەمانێ سەروار ئیە همێدوارم تا کوتایی هاتن ویرۆس کۆرۆنا بچمە سەرکار و یارمەتی دەر  مەردم خوەمان بووم.

پووپەک بەسامی داوا لە گشت کردیە ک لەماڵ بمێنن و خوەی پارێزین وە لە وەرچەو گردن خاڵەیل بێداشتی ئەنجام بیەن.

پووپەک بەسامی لە داڵگ بی چوار ڕەشەمە ١٣٧٠ هەتاوی لە شار کرماشانە و ئێرەنگە لە دەسەی ٥٥ کیلو گەرەم وەزنەهەڵگردن جێ گرێ و زۊتر  سەروار ئەوەیگە باڵای ١٦١ سانتی متر بیە لە لیگ بەسکتباڵ ژنەیل لە ئێران بەشذار بیە، هەلێوا  ٤ ساڵ ئەندام تیم بەسکتباڵ کرماشان بیە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *