ژنێگ ٢٠ ساڵە خەڵک شارسان سەلاس باوەجانی بیە قوروانی زهنیەت پیا سالار

وەپای خەوەرێگ ک وە سایت یارسان رەسیە، دویەکە رووژ ١١ خاکەلێوە ژنێگ ٢٠ ساڵە وە ناو پەروانە پاڵانی جافی ناو باوگێ مەحموود پاڵانی جافی مناڵ ئاوایی ئیمام ئەباس ناوچەی گردەنوو شارسان سەلاس باوەجانی ک هاوژین داشتیە وە مدوو گیچەڵ خانەوادەگی چیەسوە ماڵ باوگی.

لە شوون ئەوەیگە پەروانە چیەسوە ماڵ باوگیێ لە لایەن براگەی خەلیل پاڵانی جافی ک نزیک چل ساڵیە و هاوژین دێرێ، وە پەت تاسانیەسەی.

خەلیل لە شوون کوشتن خوەیشکەگەی چیەس و خوەی تاویل داسە پاسگا ک لە شوون چەن ساعەت وە دانان گەرەو هاتیەسە دەیشت و ئیسە ئازادە.

وە مدوو زهنیەت پیا سالار و وڵا کردن زهنیەت کونەفکرانەی رژیم فاشیست مەزهەبی ئێران لە ناو کوومەڵگایەیل ساڵانە سەدان ژن وە تومەتەیل ناموسی کوشیەن و قاتلەیل وە مدوو نەوین قانون بنەڕەتێگ سکۆلار سزای قورسێگ وەسەریان داناسەپیەد.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *