ئاگرکەفتنەوە لە کانکس مەردم لە شارسان سەرپێڵ زەهاو/ حەلەوان سێ کەس کردە قوروانی

دەوروەر ساعەت شەش ئێوارەی ئمڕوو ١٣ گەڵاوێژ کانکسێگ لە ئاوایی زەرین جوو شارسان حەلەوان پارێزگای کرماشان ئاگر گرد ک لە ئاکامە ٢ کەس گیانێ وە دەس دا و یەک کەس ترەگ تۊش سزیان بی.

مەردم لە ئەوردا وەتنە ک وە مدوو تەقین کەپسول گاز لە کانکسێگ، دو کەس وە ناوەیل ئەرسەلان غەزەنفەری ٤٠ ساڵە و ئەلی ئەشرەف نەزەرەی ٤٢ ساڵە وە مدوو قورسی سوزیانیان گیانیان وە دەس دانە. هەرلێوا مناڵێگ ٦ ساڵە تۊش سوزیان بینە ک هەناریاسە نەخوەشخانە و ئیرەنگە لە ژێر چەودێرێ پزشکە.

جێ وە وێر هاوردنە ک لە شوون هاتن زەوی‌لەرزەی وە هاز پارێزگای کرماشان هەتا ئیرەنگە دەیان کەس وە مدوو ئاگرکەفتنەوە لە کانکس و چادر گیانیان وە دەس دانە  و تۊش سوزیان بینە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *