دەسگیری کەسایەتی ناسریای یارسان سیاوەخش حەیاتی لە کرماشان
![](https://usercontent.one/wp/www.yarsan.info/wp-content/uploads/2022/09/1663914584841-1024x861.jpg)
دەسگیری کەسایەتی ناسریای یارسان سیاوەخش حەیاتی لە کرماشان
وە گووڕەی خەوەرەیلێگ ک وە دەسمان رەسیە ئمڕوو شەوەکی ساعەت ٩، کاک سیاوەخش حەیاتی قسەکەر کوومەڵەی راوێژکاری چالاکەیل مەدەنی یارسان و سکرتێر بەرەی یەکگردێ کورد لە ئاوایی وەرگومەی هەرێم داڵاهوو لە لایەن هێزەیل ئدارەی ئتلاعات رژیم ئێران وە حوکم دادستانی رژیم داگیرکەر دەسگیر کریاس.
ئی دەسگیریە لە وەختێگەس ک دۊیەکە کاک سیاوەخش لە ڕێوڕەسم خاکسپاری شەهید ڕێ دمۆکراسی و یارسان مینو مەجیدی قسەی دڵ مەردم هاوردە زوان و پشتیوانی لە سەرهەڵدان رەوای رووژهەڵات کوردستان و ئێران کرد.
![](https://usercontent.one/wp/www.yarsan.info/wp-content/uploads/2022/09/IMG_20220923_082742_444.jpg)
جێ وەتنە رووژ ٣٠ خەرمانان کەسایەتیتر یارسانی سید سرووش عەباسی شائبراهیمی لە شار کرماشان لە لایەن هێزەیل ئەمنیەتی رژیم داگیرکەر ئێران دەسگیر کریاس.