کوشتن داڵگ و کوڕێگ وە گولەی هێزەیل رژیم داگیرکەر ئێران
کوشتن داڵگ و کوڕێگ وە گولەی هێزەیل رژیم داگیرکەر ئێران
وە پەی خەوەرێگ ک وە دەسمان ڕەسیە، ئمڕوو ئێوارە یەێ‌شەمە ٢٢ ڕەشەمە ٢٧٢١ کوردی لە ڕێ ملەسەرانە وە ئاوایی ڕەمەکی سەر وە شارسان حەلەوان/سەرپێڵ زەهاو هێزەیل ئنتزامی رژیم داگیرکەر ئێران ماشین یەی کاسبکار یارسانی دانەسە وەر دەسڕێژ گولە ک لە ئاکام دو کەس وە ناو ماشینەگە گیانیان وە دەس دانە.
سەرچاوەگە وەتگە ک دو کەس گیان لە دەسدریاگ داڵگ و فەرزەند خەڵک ئاوایی کامەران گووران سەر وە شار گاوارە لە هەرێم داڵاهوو بینە ک ناویان فرسەت سەیادی و پووریا رەزایی ئێلام کریاس.
هەلێوا جنازەی دو کەس گیانبەختکردگ ئنتقاڵ دریاسە نەخوەشخانەی شار حەلەوان.
سەرچا،ەگە وە پەی قسەی شایەتحاڵێگ وەتگە ک هێزەیل رژیم کەمین دانە ئەڕا ماشینەگە و وەبێ هوشدار ماشینەگە دانەسە وەر دەسڕێژ گولە.
