ئمڕوو یەکمین ساڵڕووژ کوچ دومایی هونەرمەند گەورەی کورد مامووسا سمائیل سابور(اسماعیل سابور) بی

سمائیل سابور لە سال ١٣٣٥ لە کرماشان لە داڵگ بی و هاووەخت وەگەرد شۆڕش گەلان ئێران خوەندن کارناسی لە رشتەی موسیقی لە زانستگەی تەیران وە پەرتەخ رەسان و زانست نامەگەی وەر گرد.

ناوبریاگ هاووەخت وەگەرد کوتایی هاتن دەوران پەروەردەی زانستگە وەگەرد زوورم هونەرمەندەیل گەورەی کورد هاوکاری کرد و بەرهەمەیل رەنگینێگ تومار کردن.

هونەرمەند سمائیل سابور فرەتر لە سەد بەرهەم هونەری وە دەنگ خوەی تومار کردیە و لە گرنگتەرین ئەو بەرهەمەیلە توانیم وە “خان باجی”، “گەڵارێزان” و “دڵم تەنگە” ئاماژە بکەیم.

سمائیل سابور لە سەردەم گەشەی هونەری و چالاکیەیلێ نەخوەش کەفت و نالانجی لە هونەر دۊرەو کەفت.

هونەرمەند ناودار و دڵسوز کورد مامووسا سمائیل سابور(اسماعیل سابور) ١٦ ساڵ کوتایی ژیانێ لە شار سلێمانی ژیان کرد تا ک ئێوارەی رووژ یەکشەمە، ٢٦ پۊشپەر(خرداد) ١٣٩٨ هەتاوی لە عومر ٦٣ ساڵی، وە مدوو نەخوەشی دڵ لە یەکێگ لە نەخوەشخانەیل شار سلێمانی ماڵئاوایی لە ژیان کرد و دوون نوو هەڵوژان.

مامووسا سمائیل سابور – خان باجی
مامووسا سمائیل سابور و مامووسا ناسر رەزازی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *