کۆبانی درێژەو پەیاموو مدرامانوو خاوەنکاری بێ جە وەرانوەروو نەیارا ئازادیوە

بەیاننامەو پڵاتفۆرموو هۆرام-ی بە بۆنەو ئاماو یەسناو خاوەنکاری و ساڵرۆ سەرکەوتەو کۆبانی :

ئێساڵ جە وەختێنە یەسناو خاوەنکاری یاد کەرمێوە کە هام وەختا چەنی ڕۆ جیهانی کۆبانی . ئانە کە یاگێ باس کەردەینە نزیکی پەیاموو خاوەنکاری و مدرامانوو کۆبانیا . ئانە کە پەیاموو خاوەنکاریش جە ٧٠٠ ساڵا چێوەڵتەر تا ئاڕۆ ئاستەنۆ پەنەوازی کۆمەڵگاو یارسانیا پێ یاوای بە مافەکا وێشا چێروو فەلسەفەو خاوەنکارینە .
٧٠٠ ساڵێ چێوەڵتەر ‘سۆڵتان سەحاک’ و یاوەرەکێش پێ سەروستەی باوری یاری کە باوریە ئینسانی و ئازادیوازیا جە وەرانوەروو نەیارەکاشا پسۆ سپاو چیچەکی کە دژوو گرد باوەریە و پێوەرەژیوایە بێنێ ، چێردەسیشا پەسەند نەکەرد مدرماناشا هۆرچنی . بە جیا ئاستەو و دەشتەو شارەزووری پەنا بەردەی بە کەشەکا هۆرامانی  قۆناخێ تاریخیەشا پێ پارێزناو ویر و  فەلسەفەو یاری نیا . یەسناو خاوەنکاری کە نەتیجەو مدرامانوو سۆڵتان سەحاکی ئاڕۆ بەشێن جە شناسنامەو کۆمەڵگاو یارسانی و هۆرامانی جە وەرانوەروو زۆڵم و چێردەسەینە .
مدرامانوو سۆڵتان سەحاک و یاوەرەکاش پسۆ داود، بنیامین و پیرمووسی’ که به ‘یەری تەن’ ئەژناسیەنە . سۆڵتانوو یارەکێش بێیە بە بنەڕەتوو  فەلسەفێوە کە جە دماو ٧٠٠ ساڵاجە کۆبانی رەنگشداوە . مەنەیۆ سۆڵتانی و یاوەرەکاش جە مەڕە نۆ جە کەشەکا هۆرامانینە پێ ماوەو یەرێ ڕوا نیشانەو ئا ویر و فەلسەفەینە کە پێ یاوای بە ئازادی و ژیوایە تازە جە وەرانوەروو تەسلیم بیەی ، مشۆم مدرامانی هۆرچنمێ . یاد کەردەیۆ یەسناو خاوەنکاری جە لاو واڵە و برا یارسانەکاما سوور بیەیا سەروو یاوای بە مافەکا یارسانا جە چێروو دەسەڵاتوو جمهوری ئیسڵامی ئێرانی کە بە زۆڵم و ستەمیش بە گرد جۆرە دژایەتی یارسانەکا کەرۆ . گێرتەی یەرێ ڕوا ڕۆچێ و جەم بیەی باوردارا یارسانی جە جەمخانەنە وەفایەن پێ مدرامانوو سۆڵتان سەحاکی و یاوەرەکاش .

پسۆ پڵاتفۆرموو هۆرام-ی سەرەراو مۆبارەکبایی کەردەو ئی یادە پیرۆزەیە ، بە یاد کەردەیۆ سۆڵتان سەحاکی و یاوەرەکاش ، هەر پاسە شەهیدا ڕاو ئازادی کۆبانی چەنی فەلسەفەو خاوەنکاری و مدرامانوو کۆبانی پەیمان تازە کەرمێوە و تا یاوای بە ئازادی یەکجاری و ژیوایە ئازاد درێژەدەروو ویر و فەلسەفەو خاوەنکاری و کۆبانی بیمێ .

ڕاوەبەری پڵاتفۆرموو هۆرام-ی

سەرچەم:
http://horam.info/?p=700&fbclid=IwAR1uwU24DiNLNK9SyxgDYUhbR_wNf3aSpnZuvbm0khH3uh_mrVYGZ3kVLhg

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *