مانیفست کوومەڵگەی دمۆکراتیک لەواێ سەرکەفتن مانیفست “ڕێ شووڕش کوردستان” ٥٠ ساڵەس
هەڤاڵەیل هەنین
وە ئەرک ئەخڵاقی خوەم زانم جارێگ تر،هەرسەی دوارەکردنەوەس، جواو خوڵقکار و ڕووشنگەرانەێگ لە بارەێ وەزیەت ئێرنگەێ جمشت ڕێباز کۆموناڵیستی، ڕەوش و گیچەڵەیل و چارەسەریەگانێان، لە چوارچێوەی نامەێگ کامڵ و جامع پێشکەشتان بکەم.
پەیام ئاشتی و کوومەڵگەی دمۆکراتیک
١- لە ٢٧ فوریەی ٢٠٢٥، من خوازیار ئاشتی و کوومەڵگای دمۆکراتیک بیم و هێمانیش پارێزوانی لە ئەو پەیامە کەم.
دوانزەهمین کۆنگرەێ کووتائی دان pkk
٢- ئیوە وە گشتێ وە شێوازێگ موسبەت و ناوەڕووێگ درسەو وە کووتائی هاوردن وە پ ک ک جواو داین و منیش هەڵوێست ئیوە لەواێ جواوێگ دیرووکی ئەو حساو تیەرم.
گرینگی قۆناخ ئێرنگە
ڕەوش ئێرنگە جوور ئەنجامێگ دیرووکی و بایخدار حساو بوودن. لە ئێ ناوبەینە، ڕۆڵ ئەو هەڤاڵەیلیشە ک جوور پیەڵێگ لە ڕێ پەیوەندی گرتنمان هەوڵ دانە، هەر وەو ئەندازە وە نرخ و لایق قەیرزانینە.
مانیفست کوومەڵگەی دمۆکراتیک
لە کووتائی گشت گووڕانکاریەیلێ ک هاتەسە دی، من مانیفست کوومەڵگەی دمۆکراتیک ئامادە کردمە ک باێەد جوور یەی گووەڕانکاری دیرووکی وە پێ بنووڕیەێدن. ئێ مانیفستە تۊەنێدن وە خاسترین شێوازەو جی مانیفست پەنجیا ساڵەێ “ڕێ شووڕش کوردستان” بگرێدن.
من باوەڕ دێرم ئێ مانیفستە نە تەنیا ئەڕا کوومەڵگەی کورد بەڵکم ئەڕا ناوچەگە و هازەیل کوومەڵگەی جەهانیش، ناوەڕووکێگ دیرووکی-کوومەڵگەی دێرێد. من شکێ نەێرم ک ئێ مانیفستە، نموونەێگ سەرکەفتێ لە سونەت مانیفست دیرووکی حساو دەێدن.
گووڕانکاری لە ئەنجام دیدارەیل ئیمرالی
توانم وە ئاشکار بویشم ک ئێ گوڕانکاریەیلە لە ئەنجام دیدارەیلێگە ک لە ئیمرالی وەڕێیەو بردم. ئەڕا ئەوەێگە ئێ دانیشتنەیلە لە سەر بنەواێ ئرادەێ ئازاد پێک باێد، تەقەلا لە ئاست فرە بەرزێگ ئەنجام گرد.
هەوەجەس هەنگاوەیل دەرک بکریەد
ئێ قۆناخ ئێرنگەمانە، ئیمە ناڵانج وە هەڵگردن هەنگاوەیل نوو کەێد. لازمە وە گرینگی ئیێ قۆناخ و دەورمان دیرووکیە و هەنگاوەیلەێگ ک هەڵگریەێد ئاماژە بکریەێد، دەرک بکریەێدن و لە بانێ جەخت بۊمن تاگەر و وەرەو نوا بچیمن.
ئاماج سەرەکی پکک وە دی هاتیە
– جمشت پکک ک لە بان کووتائی هاوردن وە ئنکار هەبوین و دامەزرانن دەوڵەتێگ جیا و وە هەرلێوا لە بان ستراتژی جەنگ ڕزگاری نەتەوەیی بنەوای خوەێ داناوید، کووتائی وە خوەێ داس. هەبوینێ وە ڕەسمیەت ناسیاس، پەس ئاماج سەرەکی ئەو وەدی هاتیە. وە ئێ خاترە دەورمان خوەێ تەمام کرد. لە دەیشت ئێ ڕەوشە، لەوای دووارە کردن و وە بونبەس ڕەسین شیکاری وەلێ کریا. لە سەر ئی بنەوا، توانێ ڕخنە و خوەێ ڕخنە کردن وەرفراوان درێژە داشتیوین.
سیاسەت چووڵایی پەسەن ناکەید و هەوەجە وە ئاڵترناتیڤ هەس
– وە مدوو ئەوەیگە سیاسەت، چووڵایی قەبووڵ ناکەێد، بایا ستراتژی بەرنامەێ “ئاشتی و کوومەڵگەێ دمۆکراتیک، سیاسەت دمۆکراتیک” لەوای تاکتیکێگ بنەوایی، وە قانوونێگ کامڵ و جامع پڕ بکریەد. ئیمە باس لە فەرئایەندێگ دیرووکی و چارەنویس دیاری کەر کەیم.
من زانم، هەنگاوەیلێگ ک هەڵگیریانە بێ ئەنجام نین
– لە ڕەوش ئێرنگە، گرنگە ک دانایێن ئەسلەحە وە دڵخواز و لە چوارچوەی قانوون خەبات ئاواکردن کۆمۆسیونێگ گەورا و بەرپرسیار لە ناو پارلمان تورکیە ئەنجام بگرێد. هەوەجەس ک هەنگاوەیلێگ ک هەڵگیریەن حەساس بویمن و وریا بویمن لە دام قسیەیل نەزەر تەنگانەێگ جوور”ئەوەڵ تو، ئێکە من” نەکەفیمن. من زانم، هەنگاوەیلێگ ک هەڵگیریانە بێ ئەنجام نین. من ئیێ سداقەتە دوینم و باوەر وەپێ دێرم.
پێشنیارەیل؛ ئاماج ئاشتی و کوومەڵگەی دمۆکراتیک، تەنیا وە ئیسفای هامێتەی موسبەت وەدەس تێد
– لە ئەنجام، هەوڵ دریەێدن هەنگاوەیلێگ کاریگەر ئەڕا واز کردن دەرەیل هەڵگریەێدن گرینگترین نووڕینەیلێگ ک لە لایەن من پێشنیار کریاس، لەیواسە:
١- جێوەجێکردن بەرپرسیاریەتی لە لایەن گشت کەسێگ و پێک هاوردن ئاماج ئاشتی و کوومەڵگەی دمۆکراتیک، تەنیا وە ڕەسانن ئیسفای هامێتەی موسبەت وەدەس تێد. لە ئەو گشتە ک وەتریاس، دەرئەنجام ئیەسە: پکک ئاماج دورس کردن دەوڵەت نەتەوە وڵ کردیە، وەگەرد ئیەیشە ستراتژی جەنگیش ناسە لا. لە سەر ئی بنەوا کووتایی وە هەبوین خوەی هاورد. لە دەورمان دیرووکی ئیسە، چەوەنووری ئەوەسە، ڕەوشێگ ک هەس فرەتر وەرەونوا بچوود.
٢- ئەڕا ئیەیگە خەبات مەجلس و کۆمیسۆن مانادار بوود، هەلیوا نگەرانیەگان ڕای گشتی لا بچوود، لە چوارچوەی قەوڵێگ ک دایمنە، بایا دانایێن ئەسلەحە لە لایەن ناوچەیل گرێدریاگ و ڕای گشتی وە شیوەی سرووشتی پێشوازی وەلێ بکریەد. ئاواکردن ڕێ و شوون دانایێن ئەسلەحە، دەورمانەگە وەرەونوا بەید. ئیەیشە وە دڵخواز بوودە کووتایی هاوردن وە جەنگ چەکداری و چینە ناو دەورمان قانوونی و سیاسەت دمۆکراتیک. ئیە لە بەین چیێن نیە، بەلکێ بایا لەوای سەرکەفتنێگ دیرووکی بوینیەد. ڕێ و شێواز دانایێن ئەسلەحە دیار کریەد و وە هەنگەوپەڵە کرداریەو بوود.
٣- دەم پارتی ک لە ژێر چەتر پارلمانە، وەگەرد ئەودویای حزبەیل ترەگ ئەڕا ئیەیگە ئی دەورمانە بڕەسێدە سەرکەفتن، ئەرکێگ ک کەفێدە سەرشانیان جێوەجێ کەن.
٤- وەسەر گشت ئیانەوە، لە باوەت مەسئەلەی ئازادی من ک لەوای مەرجێگ لە گشت نویسمانەیل بڕیارنامە دیار کریاس، هویشم، ئیوە زانین ک من هەریز ئازادی خوەم شەخسی، نەکردمەسە گیچەڵێگ. لە مانای فەلسەفی ئەوە، ناتوانیەد ئازادی شەخسی لە کوومەڵگە جیا بکریەد. وە ئازادی شەخسی، کوومەڵگە و وە ئازادی کوومەڵگەیش شەخسیش توانێد ئازاد بوود. ئیەیشە وە دڵسووزی، هەوەجەیل ئێ حەقیقەتە وەدی باێد.
من باوەڕ نە وە ئەسلەحە بەلکێ وە سیاسەت و ئاشتی کوومەڵگەیی دێرم، داوا لە ئیوە کەم ک، ئیوەیش ئی شێوازە کرداریەو بکەن.
ڕویداوەیلێگ ک لە ناوچەگە ئەنجام گرێد، گرنگی و هەوەجەی هەنگەوپەڵەی ئی هەنگاو دیرووکیمانە پەسەن کەید.
گرێدریاگ وە ئی دەورمانە، من وە هەیەجان چەوەڕێ ڕخنە، پێشنیار و پشتگیری ئیوەم.
وێژمان ئێرنگە نیشان لە هاز مۆدڕنیتەی دمۆکراتیکە
ئی وێژمانە لە گشت وڵات، ناوچەگە و لە ئاست گەردوون وە ئیمە نیشان دەید ک هاز مۆدڕنیتەی دمۆکراتیک بوونە خاون بەرنامەیگ تئوری و ڕەسنە دەورمانێگ نوو ستراتژیک و تاکتیکی. لە ئیسەوە دیار کەم، من لە ناو تەقەلای ئامادەکاریم و وە خوەشبینیەو توانم بویشم ک من وە هەیەجان و سوڕم.
بانگەوازی من ئەڕا بانان، وە بنەوا گردن بڕیارەیل کۆنگرە و لە ئاخر، نووڕین و پێشنیارەیلێگ ک من لە ئی نویسمانە هاوردمەسە زوان، ئیەسە ک وەرەونوا بچیم و ئەنجامەیل سەرکەفتیانە وەدەس باریم.
وەگەرد سڵام، خوەشەویستی و هەڤاڵیەتی بێ کووتائی، پایار بین.
١٩ ژوئەن ٢٠٢٥
عەبدوڵا ئۆجالان
